Një shqiptar në mesin e të lënduarve nga aksidenti tragjik në Greqi

Një tren pasagjerësh me 350 udhëtarë është përplasur me një tren mallrash në luginën e Tembit pranë Larisës.

Si pasojë 40 persona kanë gjetur vdekjen dhe 60 janë plagosur, prej të cilëve 6 ndodhen në gjendje kritike për jetën. 270 të tjerë janë transportuar me autobusë në Selanik.

Konfirmohet se një shqiptar ishte mes pasagjerëve të trenave që u përplasën afër Larisës. Dhimitër Zonga ishte në vagonin e fundit gjatë udhëtimit.

Ai u dërgua në spitalin e Selanikut dhe aktualisht ndodhet në shtëpi.

Sipas dëshmitarëve okularë dy vagonet e para janë shkatërruar tërësisht, ndërsa tre vagonë të tjerë të trenit të pasagjerëve kanë dalë jashtë shinave, raporton TopChanel.