Nimani: Albin Kurti nuk ka me thy unitetin e SBASHK-ut
Përfaqësuesi i Këshillit Grevist të SBASHK’ut, Zenun Nimani, ka kritikuar qasjen e kryeministrit, Kurti ndaj grevistëve.
Ai ka thënë se kryeministrit i mungon dialogu.
“Një prononcim i tij para mediave të dielën ka shkaktuar tmerr, indinjatë të madhe në anëtarësinë e SBASHK-ut kur thotë sindikata e PAN-it… Nuk e di çka ka mendu”, deklaroi Nimani në T7.
Ai ka thënë se Kurti nuk do të thejë unitetin e SBASHK-ut.
“Inati ka pas çdo herë mes SBASHK-ut dhe Qeverisë, jo vetëm kësaj. Që 10-12 vite, në SBASHK ka unitet të mirëfilltë. Nuk ka me thy Albin Kurti as kërkush hiç besoj”, tha Nimani.
Kujtojmë, se nga 25 gushti, administrata publike dhe mësimdhënësit janë në grevë, pasi po kërkojnë nga 100 euro shtesë në muaj, deri në miratimin e Ligjit të pagave.
Ndërsa, lidhur me këtë çështje qeveria ka ofruar nga 50 euro për 3 muaj. Shumë kjo e cila u refuzua nga grevistët./Shqip.com
