Newcastle shënjestrojnë Darwin Nunez
Shqip
Darwin Nunez është absolutisht në formën më të mirë të karrierës.
Kjo formë e mirë natyrisht se nuk është lënë pa u vënë re nga klube të ndryshme në top-5 ligat evropiane.
Njëra ndër to është tani edhe Newcastle United që u ble nga familja mbretërore e Arabisë Saudite, raporton “Goal”.
Sulmuesi i Benficas është një nga objektivat kryesore të anglezëve për afatin kalimtar të verës.
Klubi është i prirur të shtojë një sulmues që mund të udhëheqë sulmin për vitet në vijim, ndërsa ata përpiqen të përmbushin ambiciet evropiane dhe përvoja e Nunez në Ligën e Kampionëve është mjaft tërheqëse.
Uruguajani me “As Águias” këtë sezon ka arritur që në 40 paraqitje të gjejë portën 34 herë dhe ka dhuruar katër asiste.
Kurse, vlerën e tij në treg 22 vjeçari e ka 40 milionë euro, sipas “transfermarkt”.
Sulmuesi ishte pjesë e Almeiras spanjolle, para se t’i bashkohej Benficas në vitin 2020 për 24 milionë euro. /Shqip.com
