Ndryshimet në kabinet, betohen ministrat e rinj të qeverisë “Rama”

Paraditen e sotme në Presidencë janë betuar ministrat e rinj të qeverisë Rama, të cilët u miratuan një ditë më parë nga Kuvendi i Shqipërisë.

Adea Pirdeni, Ministre e Shtetit për Administratën Publike dhe Antikorrupsionin, Blendi Gonxhja, Ministër i Ekonomisë, Kulturës dhe Inovacionit dhe Ervin Mete, Ministër i Financave u betuan përpara Presidentit të Republikës pas leximit të formulës së posaçme.

Presidenti i Republikës, Bajram Begaj, u dorëzoi ministrave dekretin përkatës të emërimit duke i uruar suksese në detyrën e tyre.