Murati tregon se kur do të bëhet ekzekutimi i shtesave nga 100 euro
Shqip
Ministri i Financave, Hekuran Murati, ka treguar se kur pritet që të ekzekutohen shtesat nga 100 euro për punëtorët e sektorit privat, publik, pensionistët dhe studentët.
Murati tha se shtesa prej 100 euro për pensionistët dhe punëtorët e sektorit publik për muajin prill mund të ekzekutohet menjëherë. Por, për punëtorët e sektorit privat dhe studentët, duhet të hapet një aplikim.
“Në radhë të parë do të jenë pensionistët që do ta marrin këtë mbështetje shtesë, pastaj do të jenë ata të sektorit publik, kurse për punëtorët e sektorit privat dhe studentët gjatë ditëve në vijim do të hapim procesin e aplikimit, pasi nuk i kemi të dhënat e llogarive bankare”, është shprehur Murati.
Gjatë një konferencë së bashku me Kryeministrin e Kosovës, Albin Kurti janë bërë prezantimi i masave të reja në Pakon e Ringjalljes Ekonomike.
Kurti ka bërë të ditur se gjatë këtij muajit punëtorët e sektorit privat, publik, pensionistët dhe studentët do të marrin nga 100 euro shtesë./Shqip.com
