MSh thirrje qytetarëve: Nuk mjafton vetëm një dozë e vaksinës
Shqip
Ministria e Shëndetësisë, ju ka bërë thirrje qytetarëve që të marrin të gjitha dozat e vaksinës kundër Coronavirusit.
Nga kjo ministri kanë njoftuar se “nuk mjafton nëse keni marrë vetëm njërën dozë të vaksinimit”, pasi niveli maksimal i mbrojtjes arrihet vetëm nëse i merrni të gjitha dozat e rekomanduara të vaksinës, përcjell Shqip.com.
“Nuk mjafton nëse keni marrë vetëm njërën dozë të vaksinimit dhe nuk jeni vaksinuar plotësisht. Niveli maksimal i mbrojtjes arrihet vetëm nëse i merrni të gjitha dozat e rekomanduara të vaksinës kundër COVID-19!”, thuhet në njoftim.
Më tej kanë shtuar se qytetarët mund ta marrin vaksinën kudo që gjenden në Kosovë.
“Kudo në Kosovë, ju tani mund të merrni edhe dozën përforcuese dhe dozën e tretë!”, thuhet në njoftimin e tyre”, thonë nga MSh./Shqip.com
