Mot i nxehtë edhe të premten në Kosovë, këto janë temperaturat
Shqip
Mot i nxehtë dhe me vapë do të vazhdojë të mbajë edhe gjatë së premtes së 30 korrikut, njofton Shqip.com.
Kështu njofton Instituti Hidrometeorologjik i Kosovës, nga ku thonë se masat e nxehta të ajrit të ardhur nga Afrika Veriore do të mbeten të qëndrueshme edhe për ditët vijuese.
Temperaturat minimale do të lëvizin ndërmjet 16-18 gradë Celsius, ndërsa maksimalet e ditës parashihen të lëvizin ndërmjet 36-38 gradë Celsius.
“Indeksi UV mbetet në vlera ekstreme, prandaj kujdes nga kontakti direkt me rrezet e diellit, sidomos personat në moshë dhe shtresa tjetër e popullatës me sëmundje kronike”, thuhet në njoftim.
“Do të fryjë erë e lehtë deri mesatare nga drejtimi i juglindjes dhe verilindjes”, bën të ditur më tej IHMK-ja. /Shqip.com
