Messi me Argjentinën fitojnë Finalissiman
Shqip
Argjentina e frymëzuar nga një super paraqitje e Lionel Messit ka arritur ta mposht Italinë.
Në stadiumin e Wembleyt skuadra nga Amerika fitoi me rezultat bindës 3:0.
Pas 45 minutave në Wembley rezultati ishte 2:0.
“Magjia” e Lionel Messit, i cili iu shmang dy lojtarëve me një rrotullim, krijoi rastin ideal për Lautaro Martinez.
Sulmuesi i Interit me lehtësi gjeti rrjetën nga pakë metra larg, pas pasimit të Messit.
Derisa pas një kundërsulmi të shpejtë Di Maria arriti ta dyfishoj epërsinë e skuadrës së tij.
Në pjesën e dytë vazhdoi dominimi i Argjentinës, me Messin që pati disa raste të mira, por që iu mohua gola nga bashkëlojtari i tij te PSG, Donnaruma.
Për ta përmbyllur dilemën e fituesit u përkujdes Paulo Dybala që në minutat e fundit të ndeshjes shënoi golin e tret dhe të fundit.
Për Argjentinën, kjo është hera e dytë në historinë e tyre që fitojnë këtë trofe.
ARGENTINA WIN THE FINALISSIMA 🏆 pic.twitter.com/YFfPLTt5Tf
— B/R Football (@brfootball) June 1, 2022
Po ashtu tani ata janë 32 ndeshje të pamposhtur./Shqip.com
