Mertens do i bashkohet Galatasarayt

Dries Mertens do e vazhdojë karrierën në Turqi.

Pas nëntë viteve të kaluara në Napoli, ai do t’i bashkohet Galatasarayt.

Kjo është bërë e ditur në mënyrë “indirekte” nga vetë klubi turk – përmes një postimi në Twitter.

Aty – është publikuar një video – ku alarmi është kurdisur me orërt lokale të Milanos, Brukselit dhe Stamobollit.

I pari është qyteti ku Mertens po qëndron, i dyti vendlindja e tij, kurse i treti me shumë gjasë – vendi ku do të zbarkojë së shpejti.

Sulmuesi 35 vjeçar i zhvilloi 30 ndeshje në sezonin e fundit të Series A, teksa realizoi 11-të gola dhe asistoi një herë.

Ai njihet për kontrollën e mirë të topit, goditjet e forta, teksa është pjesë e rregullt e kombëtares belge – që shumë vite./Shqip.com