Memli Krasniqi uron festën: Thërrasim për mirëkuptim, tolerancë e dashuri mes njëri-tjetrit

Kryetari i PDK-së, Memli Krasniqi, ka uruar besimtarët myslimanë sot për festën e Kurban Bajramit.

Ai thotë se në këtë ditë simbol të sakrificës dhe solidaritetit, reflektojmë dhe thërrasim për mirëkuptim, tolerancë e dashuri mes njëri-tjetrit.

“Të gjithë qytetarëve të besimit islam në Kosovë, me fat festa e Kurban Bajramit! Uroj, në veçanti, të gjitha familjet e dëshmorëve, të martirëve dhe familjet që nuk i kanë pranë më të dashurit për këtë festë të veçantë”.

“Në këtë ditë simbol të sakrificës dhe solidaritetit, reflektojmë dhe thërrasim për mirëkuptim, tolerancë e dashuri mes njëri-tjetrit. Bashkë dhe të shtyrë nga qëllimet e mira, uroj që secili prej nesh, angazhimin tonë ditor e profesional, ta kapitalizojmë në funksion të ngritjes dhe zhvillimit të Atdheut tonë. Urime!”, ka shkruar Krasniqi në Facebook.

Sot besimtarët myslimanë kudo në botë festojnë festën e Kurban Bajramit.