Mblidhen tetë komisione parlamentare, njëri prej tyre mbanë punëtori

Sot gjatë ditës së marte parashihet që të mblidhen tetë komisione parlamentare.

Komisioni Ad-Hoc për Reformën Zgjedhore në Kosovë do të mbajë punëtori duke filluar nga ora 09:00.

Komisioni për Ekonomi, Industri, Ndërmarrësi dhe Tregti do të bëjë shqyrtimin e Planit Kombëtar të Radio – frekuencave.

Komisioni për Çështje të Sigurisë dhe Mbrojtjes do të shqyrtojë Projektligjin për Pensionet e Zyrtarëve Policorë të Policisë së Kosovës dhe Punonjësit e Inspektoratit Policor të Kosovës me autorizime policore.

Komisioni për Ekonomi, Industri, Ndërmarrësi dhe Tregti do të diskutojë për Projektligjin mbi ndarjet buxhetore për Buxhetin e Republikës së Kosovës për vitin 2023, për institucionet që janë në fushëveprim të Komisionit. 

Komisioni për Çështje të Sigurisë dhe Mbrojtjes do të diskutojë Projektligjin mbi ndarjet buxhetore për Buxhetin e Republikës së Kosovës për vitin 2023, për institucionet që janë në fushëveprim të Komisionit.

Ndërsa, duke filluar nga ora 11:00, Komisioni për Mbikëqyrjen e Financave Publike e bën shqyrtimin e buxhetit të ZKA-së, i ndarë në Projektligjin nr. 08/L-193 mbi ndarjet buxhetore për Buxhetin e Republikës së Kosovës për vitin 2023.

Në këtë komision, është e ftuar auditorja e përgjithshme, Vjosa Spanca.

Komisioni për Mjedis, Ushqim, Bujqësi, Planifikim dhe Zhvillim diskuton Projektligjin mbi ndarjet buxhetore për Buxhetin e Republikës së Kosovës për vitin 2023, për institucionet që janë në fushëveprim të Komisionit.

Megjithatë, të ftuar në këtë komision prej orës 13:00 është ministri i Ministrisë së Mjedisit, Planifikimit Hapësinor dhe Infrastrukturës, Librun Aliu.

Po ashtu, në të njëjtin komision, prej orës 15:00 është i ftuar ministri i Ministrisë së Bujqësisë, Pylltarisë dhe Zhvillimit Rural, Faton Peci.

Dhe për fund, Komisioni për Administratë Publike, Pushtet Lokal, Media dhe Zhvillim Rajonal diskuton Projektligjin mbi ndarjet buxhetore për Buxhetin e Republikës së Kosovës për vitin 2023, për institucionet që janë në fushëveprim të Komisionit.