Mali: Dhjetra civilë të vrarë pasi militantët sulmuan autobusin
Shqip
Të paktën 31 persona janë vrarë në Malin qendror pasi militantët sulmuan një autobus që transportonte civilë, thanë zyrtarët lokalë.
Persona të armatosur të paidentifikuar hapën zjarr dhe vranë shoferin, përpara se t’i vinin flakën autobusit, sipas autoriteteve.
Shumica e viktimave ishin gra që ishin rrugës për të punuar në treg, thanë burimet lokale për agjencinë e lajmeve EFE, transmeton Shqip.com.
Sulmi vdekjeprurës është i fundit në përshkallëzimin e shpejtë të kryengritjes xhihadiste të Malit.
Burra të armatosur “qëlluan në automjet, prenë gomat dhe qëlluan mbi njerëzit”, tha për agjencinë e lajmeve Reuters Moulaye Guindo, kryebashkiaku i qytetit aty pranë Bankass.
Ai tha se më shumë njerëz ishin ose të zhdukur ose të plagosur, shkruan BBC,
Imazhet grafike në mediat sociale pas sulmit tregojnë kornizën e autobusit që digjet ende e mbushur me trupa.
Autobusi ishte në shënjestër ndërsa bënte udhëtimin e tij dy herë në javë nga fshati Songo në një treg në Bandiagara, 10 km (6.2 milje) larg./SHQIP.com
