Makina me targa serbe gjendet e djegur në Kosovë, hetuesit bëjnë zbulimin tronditës brenda saj

Një veturë është djegur të martën në fshatin Gllamnik të Podujevës, dhe brenda saj dyshohet se ka pasur edhe një person.

Kryeprokurori i Prokurorisë Themelore në Prishtinë, Zejnullah Gashi, ka thënë se vetura Golf 7 ishte me targa serbe.

“Vetura është me targa të shtetit serb. Hetimet po vazhdojnë”, ka thënë ai.

Prokuroria Themelore e ka konfirmuar se në veturë janë gjetur mbetje të eshtrave të njeriut.

Përveç ekipeve policore, në vendin e ngjarjes ndodhen edhe njësitet e mjekësisë ligjore.