Lotus prodhon konkurrentin e Porsche Macan

Prodhuesi i veturave sportive të fuqishme Lotus do të prezantoj një model SUV të vogël që do ta ta quaj Type 134.

Shefi komercial i Lotus, Mike Johnstone tha se kompania pret që Type 134 të përbëjë gjysmën e shitjeve vjetore deri në vitin 2028, gjë që do ta çonte modelin në rreth 75,000 njësi të prodhuara në vit.

Kompania nuk ka zbuluar ende detaje të makinës, por Johnstone la të kuptohet se do të përdorë një platformë tjetër, e cila ka të ngjarë të jetë një variant i arkitekturës EPA të destinuar për modele më të vogla.

Vetura do jetë pesë metra i gjatë, me shumë mundësi duke i dhënë dimensione të ngjashme me modelin Polestar 4 dhe duke e bërë atë një rival të Porsche Macan EV.

Type 134 do të ndajë teknologjinë me Lotus Eletre dhe Type 133, megjithëse pozicionimi i tij më i përballueshëm dhe madhësia më kompakte mund të nënkuptojnë se ai përmban opsione më të vogla baterish.

Ashtu si me Eletre, pritet të ketë një fokus të fortë në aerodinamikën për të optimizuar diapazonin dhe performancën, gjë që ka të ngjarë të rezultojë në një vijë çatie në formë coupe.