Zyrtarët ukrainas: Rusia sulmoi një shkollë që strehoi 400 njerëz
Shqip
Këshilli i qytetit të Mariupolit thotë se forcat ruse bombarduan një shkollë ku ishin strehuar 400 njerëz të shtunën.
Në një përditësim në Telegram, thuhet se ndërtesa është shkatërruar dhe njerëzit janë nën rrënoja. Gratë, fëmijët dhe të moshuarit kishin qenë në shkollë, thanë zyrtarët, raporton BBC.
Nuk ka ende informacione për viktima.
Komunikimi me Mariupol është tepër i vështirë dhe BBC nuk ka qenë në gjendje të verifikojë menjëherë pretendimin.
