Zelensky: Mariupoli po “bëhet hi”, por qyteti do të “mbijetojë”

Presidenti i Ukrainës, Volodymyr Zelensky, pwrmes njw video të lëshuar të hënën tha se qyteti port ukrainas i Mariupolit po “shndërrohet në hi” nga agresioni ushtarak i Rusisë, por shtoi se qyteti do të “mbijetojë”.   

Mariupol, i cili para luftës ishte shtëpia e rreth 450,000 njerëzve, ka qenë pothuajse nën sulm të vazhdueshëm nga forcat ruse që nga fillimi i marsit me imazhet satelitore që tregojnë shkatërrime të konsiderueshme në zonat e banuara. 

Shefi i politikës së jashtme të Bashkimit Evropian, Josep Borrell, tha të hënën se “ajo që po ndodh në Mariupol është një krim masiv lufte”.

Zelensky në fjalimin e tij vazhdoi të nxiste përsëri ukrainasit që “të bëjnë gjithçka që munden për të mbrojtur vendin tonë, për të shpëtuar popullin tonë”. 

Që kur pushtimi rus i Ukrainës filloi në fund të shkurtit, “ne po shohim gjithnjë e më shumë heronj [ukrainas]. Dikur ukrainas të zakonshëm dhe tani luftëtarë të vërtetë”, tha ai. 

Udhëheqësi ukrainas tha gjithashtu se qytetarët e zakonshëm në Ukrainë po “rriten” deri në atë pikë sa Rusia “nuk beson se ky është realiteti” dhe shtoi, “ne do ta bëjmë Rusinë të besojë”.  

“Luftoni, vazhdoni të luftoni dhe ndihmoni,” u kërkoi ai ukrainasve.