Xhafer Tahiri e pranon humbjen në Vushtrri

Kandidati i Lidhjes Demokratike të Kosovës për kryetar të Vushtrrisë, Xhafer Tahiri, ka pranuar humbjen në këtë komunë.

Përmes një postimi në Facebook, ka thënë ai dhe partia e tij e respektojnë vullnetin e qytetarëve.

Ndaj, i ka uruar fitoren kundërkandidatit nga Partia Demokratike e Kosovës, Ferit Idrizit.

“Në liri e demokraci, zgjedhjet janë festë, ju me votën tuaj sot i dhatë besimin kundërkandidatit tim z. Ferit Idrizi”, ka shkruar Tahiri.

Deri tani, në Vushtrri janë numëruar 96 për qind e votave, ku kandidati i PDK-së, Ferit Idrizi ka marrë 53.07 për qind të votave.

Ndërsa, Xhafer Tahiri ka marrë 46 për qind të votave.

Rezultatet e KQZ në kohë reale mund t’i ndiqni KËTU.