Ukraina: Më shumë 20,000 vullnetarë të huaj duan t’i bashkohen njësisë speciale për të luftuar forcat ruse

Ministria e Mbrojtjes e Ukrainës thotë se ka krijuar një njësi speciale – Legjioni Ndërkombëtar – i cili tashmë ka filluar të kryejë misione luftarake për të kundërshtuar agresionin rus.

Më shumë se 20,000 vullnetarë dhe veteranë nga 52 vende kanë shprehur dëshirën për t’u bashkuar, sipas gjeneral brigade Kyrylo Budanov, komandant i Drejtorisë kryesore të Inteligjencës të Ministrisë që do të drejtojë këtë legjion, raporton CNN.

Burdanov shprehu mirënjohjen e tij për luftëtarët dhe tha se ata janë kryesisht luftëtarë me përvojë që kanë marrë pjesë në shumë fushata paqeruajtëse në mbarë botën.