Turqia uron Kosovën për Ditën e Pavarësisë
Shqip
Turqia e ka uruar Kosovën, në 15-vjetorin e Shpalljes së Pavarësisë.
Përmes një postimi në rrjetin Twitter, ministria e Jashtme e Turqisë ka shkruar se i janë mirënjohës popullit kosovar, për solidaritetin dhe mbështetjen gjatë ditëve të vështira.
“Urime Dita e Pavarësisë miqve dhe vëllezërve tanë në Kosovë. I jemi mirënjohës popullit kosovar për solidaritetin dhe mbështetjen gjatë ditëve tona të vështira“.
“Faleminderit!”, ka shkruar ministria në gjuhën shqipe.
Kosova ka qenë ndër vendet e para që i ofroi ndihmë Turqisë pas tërmetit shkatërrues të javës së kaluar.
