Rohde: S’po gjykohet UÇK-ja, por individë që akuzohen për krime të rënda lufteRohde:

Ambasadori gjerman në Kosovë, Jorn Rohde, ka folur në lidhje me gjykimin e ish-krerëve të UÇK-së në Hagë.

Ai përmes një postimi në Twitter tha se nuk po gjykohet UÇK-ja, por individë që, siç tha ai, po akuzohen për krime të rënda lufte.

“E drejta për të protestuar është thelbësore në çdo demokraci dhe manifestimi i djeshëm në Prishtinë tregoi një shoqëri civile të lulëzuar në Kosovë. Por dua të ritheksoj: Nuk është UÇK-ja ajo që po gjykohet, por individë që akuzohen për krime të rënda lufte, krime kundër njerëzimit, zhdukje të personave dhe torturë”, shkroi Rohde.

Shumë bashkatdhetarë janë mbledhur në Hagë për të kërkuar drejtësi ndaj ish-krerëve të UÇK-së.