Që nga fillimi i pushtimit rus në Ukrainë, një milion refugjatë kanë kaluar në Poloni

Refugjatët në Poloni

Më shumë se një milion refugjatë kanë kaluar tani kufirin nga Ukraina në Poloni që nga fillimi i pushtimit rus më 24 shkurt, thonë rojet kufitare polake.

“Sot në orën 20:00 (1900 GMT) numri i njerëzve nga Ukraina në Poloni e kaloi një milion. Kjo është një milion tragjedi njerëzore,” tha shërbimi i rojës kufitare në Twitter.

Më shumë se 1.5 milionë njerëz janë larguar nga Ukraina në vetëm 10 ditë, sipas agjencisë së OKB-së për refugjatët (UNHCR), raporton BBC.

Filippo Grandi, komisioneri i lartë i agjencisë, e ka quajtur atë krizën me rritjen më të shpejtë të refugjatëve në Evropë që nga Lufta e Dytë Botërore.