Protestuesit serbë paralajmërojnë edhe sot protesta në veri
Shqip
Protestuesit serbë, kanë paralajmëruar që protesta e tyre kundër kryetarëve të rinjë të komunave të veriut, të vazhdojë edhe sot.
Protestat pritet të vazhdojnë edhe sot në Zveçan, Zubin Poton e Leposaviq.
Gjatë protestës së djeshme, situata ishte më e tensionuar në Leposaviq e Zveçan.
Të hënën, ushtarët e KFOR-it u përleshën me protestues serbë, ku mbetën të lënduar dhjetëra persona në Zveçan.
Ndërsa, gjithashtu u raportua për sulme ndaj mediave e gazetarëve të cilët po raportonin nga vendi i ngjarjes.
BE, ka dënuar dhunën e përdorur nga protestuesit, ndaj pjesëtarëve të KFOR-it dhe mediave.
“Aktet e dhunshme, të kryera ndaj trupave të KFOR-it, mediave, civilëve dhe policisë janë absolutisht të papranueshme”, tha Josep Borrell.
