Krasniqi: S’ka më ushtarë serbë në Kosovë, kjo çështje është mbyllur në 1999
Publikuar:
(14.12.2022 20:13:49)
Disa ditë më parë, presidenti i Serbisë Aleksandër Vuçiq tha se Serbia do të dërgojë mbi 1 mijë ushtarë në Kosovë.
Mirëpo,për kryetarin e partisë më të madhe opozitare në Kosovë, Memli Krasniqi kjo çështje ka mbaruar në vitin 1999.
“Për fat të keq retorika e luftë nxitëse e Vuçiç ka qenë e vazhdueshme por agresive në ditët e fundit. Kërkesa për kthimin e trupave serbe nuk vlen të merret seriozisht. Nuk ka asnjë vlerë. Në Kosovë s’do të ketë më asnjë ushtar serb dhe kjo është çështje e mbyllur në 1999.
Krasniqi tha se muajt e fundit Kosova ka kaluar nga kriza në krizë dhe kjo ka vetëm një fajtor që është pala serbe e cila po nxit dhunë, raporton Abcnews.