Ka nisur raundi i tretë i bisedimeve Ukrainë – Rusi
Publikuar:
(07.03.2022 16:43:39)
Në Bjellorusi ka nisur raundi i tretë i bisedimeve ndërmjet Ukrainës dhe Rusisë, njoftoi në ajër agjencia shtetërore e mediave Rusia 24.
Vendndodhja për këtë ngjarje nuk është bërë e ditur. Raundi i parë i bisedimeve është mbajtur me 28 shkurt, ndërsa i dyti, më 3 mars, që të dyja u zhvilluan në Bjellorusi, raporton CNN.
Ndërkohë, ministri i jashtëm rus, Sergej Lavrov dhe ministri i jashtëm ukrainas, Dmytro Kuleba, do të takohen të enjten në Antalia të Turqisë, sipas ministrisë së jashtme ruse, mirëpo kjo ende nuk është konfirmuar nga Ministria e Jashtme e Ukrainës.