Izraeli: Gjetëm 1.3 mln dollarë gjatë bastisjeve në Gaza

Një shkëmbim i tretë i pengjeve të Hamasit për të burgosurit palestinezë të Izraelit është planifikuar të mbahet ditën e sotme, të tretën e armëpushimit. Ndërkohë, qindra kamionë që transportonin ndihma humanitare vazhdojnë të hyjnë në Rripin e Gazës, të rrethuar dhe të shkatërruar nga shtatë javë bombardime intensive izraelite në hakmarrje për sulmin e përgjakshëm të Hamasit më 7 tetor. Ndërsa ministria e Mbrojtjes së Izraelit ka deklaruar se gjatë bastisjeve në shtëpitë e anëtarëve të Hamasit, janë sekuestruar 1.3 milionë dollarë që kanë kaluar në buxhetin e shtetit.