Izraeli: Armëpushimi vazhdon, 8 pengje do të lirohen sot, mes tyre dy të mitur

Sipas Jerusalem Post “Izraeli tha se armëpushimi në Gaza do të zgjatet shkurtimisht për të lënë më shumë kohë për të përfunduar bisedimet e ndërmjetësve për lirimin e mëtejshëm të pengjeve”. Gjithsej do të jenë tetë pengje, gjashtë gra dhe dy të mitur, që Hamasi pritet t’i lirojë sot nga Gaza si pjesë e një marrëveshje me Izraelin që çoi në zgjatjen e armëpushimit në enklavë edhe për 24 orë të tjera. Këtë e kanë bërë të ditur mediat e shtetit hebre, duke saktësuar se numërimit të sotëm duhet t’i shtohen edhe dy femrat ruso-izraelite, Elena Trofanov dhe Irena Tatti, të lira mbrëmë nga organizata palestineze në shenjë njohjeje ndaj presidentit Vladimir Putin.