Blinken: SHBA-të dhe aleatët gati për të përballuar çdo kërcënim ndaj NATO-s

Sekretari amerikan i shtetit, Antony Blinken, i cili është në një vizitë zyrtare në Lituani, thotë se Rusia ka kërkuar të “minojë demokracinë e Lituanisë dhe të mbjellë polarizimin me sulme kibernetike dhe dezinformata”, shkruan BBC.

Ai gjithashtu thotë se SHBA dhe vendi i tij pritës janë “të bashkuar në vendosmërinë tonë për të qëndruar me Ukrainën”, pasi pushtimi rus arrin në ditën e tij të 12-të të konfliktit.

Shtetet e Bashkuara po forconin mbrojtjen tonë të përbashkët – kështu që SHBA dhe aleatët janë të gatshëm të përballojnë çdo kërcënim – duke përfshirë dërgimin e 7,000 forcave të tjera amerikane në Evropë dhe ripozicionimin e të tjerëve për të forcuar krahun lindor të NATO-s”, shtoi ai.

Sekretari Blinken ripohoi angazhimin “të shenjtë” të SHBA-së ndaj nenit 5 të NATO-s – “sulmi ndaj njërit është sulm ndaj të gjithëve” – ​​duke theksuar se “ne do të mbrojmë çdo pëllëmbë të territorit të NATO-s”.