Banorët e Kievit përgatiten për mbërritjen e autokolonës së madhe ruse

Me postblloqe, pushkë dhe flamuj ukrainas, banorët e Kievit përgatiten për mbërritjen e autokolonës së madhe ruse.

Një udhëtim në qendër të Kievit nuk lë vend për dyshime. Ky është një qytet që po përgatitet për një sulm të madh rus.

Grumbuj thasësh me rërë. Barriera të improvizuara të ndërtuara nga copa të rastësishme metali, druri, goma të vjetra ose çdo gjë që ishte në dorë. Dhe kudo që shikoni, ka flamuj ukrainas blu dhe të verdhë, shkruan CNN.

Qyteti është jashtëzakonisht i qetë. Shumë njerëz kanë ikur ditët e fundit. Ata që kanë qëndruar janë ngujuar në strehimore për bomba, bodrume dhe stacione metroje. Pikat e kontrollit të vendosura përgjatë pikave të hyrjes së qytetit drejtohen nga ukrainas të zakonshëm. Këta nuk janë ushtarë.

 Një javë më parë, shumë nga këta burra do të kishin qenë në punë ose do të kishin shijuar pushimet me miqtë dhe familjet e tyre Tani, ata janë gati të mbrojnë kryeqytetin e vendit të tyre.

Oleksiy Goncharenko po ruante një nga postblloqet në Kiev të martën, i armatosur me pushkën që mori javën e kaluar pasi iu përgjigj thirrjes nga autoritetet ukrainase për t’u përgatitur për të mbrojtur vendin. Ishte shumë ftohtë dhe Goncharenko punonte me turne, me vullnetarë të tjerë.

Kur nuk është në pikën e kontrollit, ai thotë se është në bazë, duke ndihmuar kudo që mundet: “Ndihmë humanitare, duke ndihmuar njerëzit të arrijnë [në vende], duke organizuar transportin, duke shkëmbyer informacion”.

Goncharenko nuk është – dhe nuk ka qenë kurrë – një ushtarak. Ai është anëtar i Verkhovna Rada, parlamenti ukrainas, “Unë nuk jam aspak një ushtar profesionist, por mund të përpiqem dhe mund të bëj më të mirën dhe do ta bëj nëse forcat ruse hyjnë në Kiev”, tha ai për CNN.

Shumica e burrave në postblloqe janë duke buzëqeshur. Kur kalon një makinë, ata përshëndesin pasagjerët e saj, përshëndesin me dorë dhe u urojnë udhëtim të sigurt, kudo që të shkojnë. Një burrë i veshur me syze, një kapele kamuflazhi dhe doreza leshi me gjashtë nga 10 majat e gishtave të prera, ndez një shenjë “V” dhe përshëndet me dorë. Burrat këtu po përpiqen të mbajnë moralin lartë, megjithëse e dinë shumë mirë se armiku me të cilin po përballen është shumë më mirë i pajisur.

Rusia ka grumbulluar një kolonë ushtarake 40 milje (64 kilometra) e përbërë nga automjete të blinduara, tanke, artileri tërheqëse dhe mjete të tjera logjistike – që po i afrohet periferisë së Kievit. Shumica, por jo të gjithë e burrat – në rrugët e kryeqytetit janë të pajisur me pushkë. Ata janë vendosur përgjatë rrugës që lidh qendrën e qytetit të Kievit me periferinë.

Shiritat e krahut të krijuar nga një copë e shiritit të verdhë tregojnë se ata/o janë pjesë e Forcave të Mbrojtjes Territoriale, një degë e Forcave të Armatosura të Ukrainës që përbëhet kryesisht nga vullnetarë. Dhjetëra mijëra janë bashkuar ditët e fundit. Disa duken shumë, shumë të ri/reja, të veshur/a me tuta dhe atlete. Në mot shumë të ftohtë, mbrojtësit e qytetit – së bashku me të gjithë të tjerët në Kiev – presin gjithçka që ka mbetur pa ardhur ende.