Lajçak pas takimit me liderët opozitarë, thotë se u kërkoi mbështetje për dialog
Shqip
Emisari special i Bashkimit Evropian për dialogun Kosovë-Serbi, Miroslav Lajçak, pas takimit me liderët e partive opozitare, tha se këtyre të fundit u ka kërkuar mbështetje për procesin e dialogut.
Para mediave, pohoi se takimet me partitë opozitare kanë qenë konstruktive.
“Kërkova mbështetje për dialog, pasi arritja e një marrëveshje përfundimtare është në të mirën e Kosovës. Partitë opozitare kanë eksperiencë në dialogun, dhe për mua ishte e rëndësishme të dëgjoj mendimin e tyre”, deklaroi Lajçak.
“Po ashtu besoj që do të jenë konstruktiv. I konsiderojë këto takime shumë të rëndësishme dhe jam i kënaqur me rezultatet”.
Gjatë ditës, Lajçak është takuar me liderin e Partisë Demokratike të Kosovës, Memli Krasniqin, me atë të Lidhjes Demokratike të Kosovës, Lumir Abdixhikun, si dhe Ramush Haradinajn nga Aleanca për Ardhmëërinë e Kosovës./SHQIP.com
