Kuvendi po zbaton vendimin e Qeverisë, zyrtarët me dëshmi paraqiten në punë
Shqip
Kuvendi i Kosovës po e respekton vendimin e Qeverisë për kërkimin e dëshmisë së vaksinimit ose testit negativ nga zyrtarët e tij, transmeton Shqip.com.
Fehmi Pireva zyrtarë ndërlidhës me institucionet e agjencitë e pavarura në Kuvend, thotë se ka ardhur i përgatitur ashtu siç po kërkohet me dy doza vaksinë anti-COVID.
“Jam vaksinuar për herë të dytë. I kam kryer të gjitha proceduar të cilat specifikohen dhe kërkohen me vendim të Qeverisë”, ka thënë ai për EO.
“Sot kemi ardhur në punë, jemi me dokumentacion të plotë dhe shpresojmë për ditë më të mira dhe që të kalojnë çdo vështirësi pas vaksinimit”, shtoi më tej Pireva.
Ndërsa një zyrtare tjetër Kuvendit i kanë thënë EO prapa kamerës se është vaksinuar dhe se zyrtarët e sigurimit në mëngjes i kanë kërkuar dëshminë për t’u futur brenda. /Shqip.com
