“Kush i jep informacione policisë për vrasësin e shpërblej” – Pacolli për rastin në Ferizaj

Deputeti i Kuvendit të Kosovës, Behgjet Pacolli, ka ofruar shpërblim për këdo që jep informacione te organet kompetente që çojnë tek arrestimi i personit që dyshohet se ka vrarë 18-vjeçaren M.O., gjatë së dielës në Ferizaj.

Me anë të një shkrimi në llogarinë e tij në Facebook, Pacolli tha se është i gatshëm të ofrojë shpërblim për ata që japin informacione të vlefshmë policisë për të ndihmuar në kapjen e Dardan Krivaqës.

“Unë ofroj shpërblim për këdo që i jep informacion të vlefshëm Policisë së Kosovës që çon në arrestimin e vrasësit të Marigonës. Si baba i tre vajzave, ndihem i trishtuar për këtë ngjarje të rëndë”, ka shkruar Pacolli, duke mos bërë të ditur se për çfarë shpërblimi bëhet fjalë.