Lajme

Kurti shkon në Tiranë, takohet me Ramën

Kryeministri i Kosovës, Albin Kurti dhe kryeministri i Shqipërisë, Edi Rama

Kryeministri i Kosovës Albin Kurti ditën e sotme zhvillon një takim me kryeministrin Edi Rama në Tiranë.

Takimi nuk është paralajmëruar zyrtarisht as nga Qeveria e Kosovës dhe as nga ajo e Shqipërisë.

Megjithatë,, Kurti u detyrua ta lë në gjysmë konferencën e përbashkët me ministren e Arsimit, Arbërie Nagavci dhe atë të Financave, Hekuran Murati.

Ai u arsyetua se “ka një takim urgjent”.

Në anën tjetër burime të Euronews Albania bëjnë me dije se dy liderët do takohen tek vila qeveritare në zonën e “Bllokut”.

Mësohet se Rama ka hyrë në vilën pranë Kuvendit rreth 30 minuta më parë.

Deri më tani nuk dihet tema që do të diskutojnë Kurti e Rama./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.61
  • Benzine: 1.34
  • Gas: 0.76
Sot : 30/09/2022