Kurti në Mynih: Serbia t’i hap arkivat, bëri gjenocid në Kosovë
Shqip
Kryeministri i Kosovës, Albin Kurti, i ka bërë thirrje edhe njëherë Serbisë që t’i hapë arkivat shtetërore.
Ai, në Konferencës e Sigurisë në Mynih, ka thënë se krimet serbe të kryera në Kosovë ishin krime shtetërore.
“Në panelin e Konferencës së Sigurisë në Mynih: ‘Të humbur në tranzicion: Sfidat dhe perspektivat e llogaridhënies dhe drejtësisë tranzicionale’ i bëra thirrje Serbisë që të hapë arkivat shtetërore sepse krimet e kryera në Kosovë ishin krime shtetërore”, ka shkruar Kurti në Twitter.
“E kaluara nuk ka kaluar ende, meqë krimet e luftës dhe gjenocidi janë ende të mohuara”, shkroi Kurti.
The past hasn’t yet passed when war crimes & genocide are still denied.
— Albin Kurti (@albinkurti) February 20, 2022
At the #MSC2022 panel: “Lost in transition: challenges & prospects of accountability & transitional justice” I called on Serbia to open state archives because the crimes committed in Kosova were state crimes. pic.twitter.com/UePa4EmhbM
Presidentja Vjosa Osmani, kryeministri Albin Kurti dhe Ministrja e Punëve të Jashtme, Donika Gërvalla po qëndrojnë në Mynih të Gjermanisë, ku po marrin pjesë në Konferencën e Sigurisë.
Krerët shtetërorë të Kosovës do të qëndrojnë në Gjermani për tri ditë gjatë të cilave do të zhvillojnë takime të ndryshme bilaterale./Shqip.com
