Kurti i dërgon telegram ngushëllimi familjes Zejnullahu
Shqip
Kryeministri i Kosovës, Albin Kurti, ka dërguar telegram ngushëllimi për familjen Zejnullahu.
Kjo pasi ka vdekur Sabiti, babai i heroit të kombit shqiptar, Hakif Zejnullahu.
“Jam thellësisht i pikëlluar nga lajmi për ndarjen nga jeta të bacës Sabit, babait të heroit të kombit, Hakif Zejnullahu”, thuhet në fillim të telegramit të ngushëllimit.
Kurti e ka cilësuar atdhedashurinë e Sabit Zejnullahut si e një prindi kombëtar që i dha Kosovës një hero të kombit.
“Jeta dhe trashëgimia e tij janë mësim për gjenerata të tëra që vijnë”, ka shkruar kryeministri Kurti në letrën e ngushëllimit, teksa ka thënë se do kujtojmë përherë kontributin e tij për vendin dhe kombi. /Shqip.com
