KQZ sqaron nëse mund të votoni me kusht në zgjedhjet lokale
Shqip
Nuk mund të votoni me kusht në zgjdhjet lokale të 17 tetorit në një komunë ku nuk jeni të regjistruar.
Kështu ka njoftuar zëdhënësi i Komisionit Qendror të Zgjedhjeve, Valmir Elezi.
Ai sqaroi se votat me kusht vlejnë vetëm brenda komunës ku votuesi është i regjistruar.
“Është e nevojshme të sqarojmë se votimi me kusht është i mundur për një votues vetëm brenda komunës ku ai është i regjistruar si votues”.
“Votimi me kusht nuk është i mundur nga njëra komunë në tjetrën. Pra, votuesi i një komune nuk mund të votojë në komunën tjetër”.
“Për dallim nga Zgjedhjet për Kuvend në të cilat e gjithë Republika e Kosovës është një zonë zgjedhore, në Zgjedhjet Lokale çdo komunë është një zonë e veçantë zgjedhore dhe në vendvotimet e asaj zone ka fletëvotime vetëm të asaj komune”, ka thënë Elezi.
Zgjedhjet Lokale mbahen më 17 tetor në të gjitha komunat e Kosovës.
Për këtë, Qeveria e Kosovës ka vendosur të premten që të largojë orën policore për personat e angazhuar në zgjedhjet lokale. /Shqip.com
