Lajme

Kosova dhe Shqipëria synojnë të mbrohen së bashku nga ndonjë sulm i mundshëm

Haki Abazi dhe Mimi Kodheli

Komisioni për Punë të Jashtme dhe Diasporë ka pritur në takim më 29 mars delegacionin e Komisionit për Politikën e Jashtme të Kuvendit të Shqipërisë.

Në takim është diskutuar për ndikimin e luftës në Ukrainë në zhvillimet në rajon dhe masat e përbashkëta, integrimet Euro-Atlantike të rajonit – Bashkëpunimi Shqipëri – Kosovë dhe zbatimi i marrëveshjeve të arritura ndërmjet Shqipërisë dhe Kosovës.

Dy kryetarët e Komisioneve përkatëse, Haki Abazi dhe Mimi Kodheli mbajtën konferencë të përbashkët për medie.

Abazi, tha se theks të veçantë i kanë dhënë ndikimit që ka lufta në Ukrainë në Kosovë.

“Zotimi nga të dy komisionet ishte që të bëjmë punën së bashku. Në diskutim kishim brengosjen dhe veprimet konkrete. Shqipëria është anëtare e NATO-s, e Kosova ka KFOR-in. Ne duhet të jemi të kujdesshëm e të mbrohemi së bashku”, tha Abazi.

Komisioni për Punë të Jashtme dhe Diasporë i Kosovës dhe delegacioni i Komisionit për Politikën e Jashtme të Kuvendit të Shqipërisë

Ndërsa, Kodheli kërkoi bashkërendim dhe bashkëpunim ndërmjet dy parlamenteve.

Ndërsa foli edhe për marrëveshjet që janë nënshkruar nga të dyja shtetet.

“Jemi duke folur për bashkëpunim dhe bashkërendim të gjithçkaje që ndodh ndërmjet dy parlamenteve tona. Ky është moment historik dhe vazhdojmë të jemi në anën e duhur. Folëm për marrëdhëniet midis dy palëve dhe 10 marrëveshjet që janë nënshkruar. Folëm për angazhimet për sigurinë e Kosovës. Rritja e kapaciteteve tona në fushën e sigurisë. Për t’u vlerësuar është përkrahja që i japim popullit ukrainas. Kosova ka përjetuar situata të ngjashme dhe Shqipëria ndodhet në anën e drejt të historisë. Do të vazhdojmë të lobojmë në krah të partnerëve tanë si SHBA dhe BE”, tha Kodheli.

Paradite, delegacioni i Komisionit per Punë tè Jashtme tè Kuvendit te Shqipërise, u prit në takim edhe nga kryeparalmentari, Glauk Konjufca.

Në këtë takim mediet u lejuan të marrin vetëm pamje./Shqip.com