Klinaku – Bislimit për hapjen e arkivave: Është njëjtë sikur të pajtohesh se “Kosova është krahinë e Serbisë”

Sekretari i Organizatës së Veteranëve të Luftës së Ushtrisë Çlirimtare të Kosovës, Faton Klinaku, i ka reaguar zëvendëskryeministrit të Kosovës, Besnik Bislimi, i cili të enjten deklaroi se në dialogun me Serbinë janë dakorduar që të hapen të gjitha arkivat shtetërore, përfshirë ato për Ushtrinë Çlirimtare të Kosovës.

Sipas Klinakut, një gjë të tillë është njëjtë si të pajtohesh se “Kosova është Krahinë e Serbisë”.

Në një postim në Facebook, ka shkruar se arkivat e UÇK-së kanë qenë të hapura dhe vazhdojnë të jenë, pasi sipas tij, nuk ka çka fshehët në to.

“Ato janë histori që i duhen shtetit të Kosovës. Ka eksponate të luftës, të dëshmorëve e luftëtarëve në muzeun e Kosovës”, ka shkruar Klinaku./SHQIP.com