Këta janë 10 finalistët e parë të Eurovision 2024, sonte performon Besa Kokëdhima
15 këngë konkurruan për 10 biletat për në finalen e madhe të së shtunës më 11 maj 2024.
Rendi i performancave për Finalën e Madhe do të përcaktohet nga një short (në të cilin do të konkurrojë çdo vend gjysma e finales së madhe) nga transmetuesi suedez SVT pas gjysmëfinales së dytë të së enjtes.
10 shtetet që u kualifikuan nga gjysmëfinalja e parë dhe kaluan me sukses votimin publik të së martës ishin:
Ndërsa, Moldavia, Islanda, Australia, Polonia dhe Azerbajxhani u eliminuan nga gara.
Konkursi i 68-të i këngës në Eurovizion zhvillohet më 7, 9 dhe 11 maj 2024 dhe mbahet në Malmö, Suedi.
Ashtu si vitin e kaluar, rezultatet u përcaktuan 100% nga televotimi. Nuk kishte juri profesionale që votonin në gjysmëfinale.
Këngëtarja Besa Kokëdhima do të përfaqësojë Shqipërinë në Eurovision me këngën “Titan”.
Artistja u përzgjodh nga votat e publikut për të përfaqësuar Shqipërinë në edicionin e 68-të të Eurovizion që do të mbahet në Malmo të Suedisë.
Besa Kokëdhima do të performojë natën e dytë dhe do të jetë e 6-ta në radhë.
Votohen në dy forma: Shqiptarët që ndodhen në shtetet që janë në garë në natën e dytë gjysmëfinale mund të votojnë me kodin 02 në numrat e telefonit vendosur në dispozicion nga shteti ku ata jetojnë, nga vendet pjesëmarrëse.
Ndërsa, të gjithë shqiptarët që ndodhen kudo nëpër botë, tani është votimi rest of the world (pjesa tjetër e botës) ku mund të votohet online 24 orë përpara se të hapet votimi i online në esc.vote ku mund të votohet për Shqipërinë deri në 20 herë nga çdo vend i botës.
/Shqip.com