Këngëtarja e njohur anulon koncertet, u diagnostikua me këtë sëmundje

Këngëtarja e njohur Celine Dion anuloi dhe shtyu një seri koncertesh evropiane për shkak të problemeve që lidhen me një “çrregullim shumë të rrallë neurologjik” që po ndikon në këndimin e saj.

Në një video të postuar në Instagram në frëngjisht dhe anglisht, ajo tha se ajo vuante nga probleme shëndetësore “për një kohë të gjatë”.

“Kohët e fundit jam diagnostikuar me një çrregullim neurologjik shumë të rrallë të quajtur “sindroma e personit të ngurtë”, i cili prek rreth një në një milion njerëz”, tha Dion.

Ajo ka shkaktuar spazma që “ndikojnë në çdo aspekt të jetës sime të përditshme, ndonjëherë duke shkaktuar vështirësi kur eci dhe duke mos më lejuar të përdor kordat e mia vokale për të kënduar ashtu siç jam mësuar”, tha ajo.

“Më dhemb t’ju them sot se kjo do të thotë se nuk do të jem gati të rifilloj turneun tim në Evropë në shkurt.”

Ajo tha se mbështetej nga fëmijët e saj dhe një ekip mjekësh çdo ditë për të përmirësuar gjendjen e saj, po se ka vështirësi.

“Gjithçka që di është të këndoj, është ajo që kam bërë gjatë gjithë jetës sime dhe është ajo që më pëlqen të bëj më shumë”, shtoi ajo.

Këngëtarja kishte përmendur spazmat kur shtyu turneun evropian në fillim të këtij viti.