KEK njofton se Blloku A4 do të ndalet disa ditë

Korporata Energjetike e Kosovës ka njoftuar se Blloku A4 i Termocentralit Kosova A planifikohet për ndalje me qëllim të sanimit të rrjedhjeve të paraqitura në kalldaj.

Siç thuhet në njoftim rikthimi i njësisë në operim pritet të bëhet brenda afatit  4-5 ditorë.

“Korporata Energjetike e Kosovës njofton opinionin se sonte, dt. 15.10.2022, në ora 24:00 njësia A-4 planifikohet për ndalje me qëllim të sanimit të rrjedhjeve të paraqitura në kalldaj.

Bazuar në praktikat e mëhershme, rikthimi i njësisë në operim pritet të bëhet brenda afatit  4-5 ditorë”.

Lidhur me këtë, KEK me kohë ka njoftuar furnizuesin publik dhe kjo njësi nuk është nominuar për nesër dt: 16.10.2022.