Katari do e vazhdon furnizimin me gaz – duke qëndruar në “solidaritet” me Evropën

Katari do të qëndrojë “në solidaritet me Evropën” dhe nuk do t’i devijojë kontratat e gazit tek klientët e tjerë, edhe nëse kjo do të thotë humbje nga përfitimet e mundshme financiare, tha Ministri i Katarit për Energji, Saad Al Kaabi – në një intervistë për CNN.

Monarkia e Gjirit të pasur me energji furnizon disa vende evropiane me gaz – në formën e kontratave të devijueshme, që do të thotë se ato janë në gjendje të devijojnë furnizimin drejt klientëve të tjerë. 

“Ne nuk do t’i devijojmë [kontratat] dhe do t’i mbajmë ato në Evropë, edhe nëse ka përfitim financiar që ne t’i devijojmë, ne nuk do ta bënim këtë,” tha Al Kaabi.

Ai po ashtu shtoi se ” kjo është në solidaritet me atë që po ndodh në Evropë,” tha ai.

Megjithatë, ministri e kundërshtoi vendosjen e sanksioneve ndaj sektorit energjetik të Rusisë, duke thënë se “energjia duhet të qëndrojë jashtë politikës” dhe përsëriti se ndalimi i plotë i furnizimit me gaz rus në Evropë “nuk është praktikisht i mundur”. Teksa potencoi se kombi i tij nuk po “zgjedh anët” në konfliktin Rusi-Ukrainë. 

Në fillim të kësaj jave, zyrtarë të lartë gjermanë, përfshirë ministrin e ekonomisë Robert Habeck, vizituan Katarin për bisedime mbi furnizimin afatgjatë të gazit në Evropë në mes të pasigurisë ruse të energjisë. Raportet u shfaqën për një marrëveshje midis Katarit dhe Gjermanisë për furnizimin me gaz; megjithatë, ministri i Katarit mohoi se ishte arritur një marrëveshje. 

“Ne nuk kemi rënë dakord ende për një marrëveshje afatgjatë me Gjermaninë, por jemi të gatshëm të diskutojmë me kompanitë që kemi diskutuar për të vendosur një marrëveshje afatgjatë potencialisht. Kjo është një marrëveshje tregtare ndërmjet subjekteve tregtare”, tha Al Kaabi. 

Kryeministri britanik Boris Johnson vizitoi Arabinë Saudite dhe Emiratet e Bashkuara Arabe javën e kaluar në një përpjekje për të nxitur të dy vendet në rritjen e furnizimit me naftë në treg, pavarësisht nga një marrëveshje me Rusinë që kufizon furnizimin me naftë. Të dy vendet kanë kapacitet të lirë për të lehtësuar ndoshta një deficit global të naftës, por të dyja vendet e Gjirit deri më tani kanë mbetur të përkushtuara ndaj marrëveshjes së OPEC + me Rusinë – edhe pas pushtimit të Ukrainës nga presidenti rus Vladimir Putin. 

Katari, i cili u tërhoq nga OPEC në 2019 pas një përçarjeje diplomatike me vendet fqinje tha se nuk po planifikojnë të kthehen në kartel. Sidoqoftë, Al Kaabi mbështeti lëvizjet e furnizimit nga organizata, duke e quajtur planin e tyre “shumë të arsyeshëm”.