Juventusi shënon fitoren e parë sezonale në Serie A
Shqip
“Vuajtjeve” të Juventusit në Serie A i ka ardhur fundi sonte.
Skuadra nga Torino ka shënuar fitoren e parë sezonale në futbollin elitar në Itali, shkruan Shqip.com.
Të udhëhequr nga Massimiliano Allegri ata kanë mposhtur Spezian në udhëtim me rezultat 2-3.
Golin e parë në këtë takim e shënoi Moise Kean në minutën e 28-të, pasi u asistua nga Adrien Rabiot, ndërsa vendasit barazuan pesë minuta më pas me Antiste.
Në pjesën e dytë, ishin vendasit që shënuan të parët me anë të Maiggiore, por kjo ishte e gjitha se çka bënë në këtë ndeshje.
Në anën tjetër, Juventusi shënoi edhe dy herë, fillimisht me Chiessan, e pastaj me De Ligt dhe kështu arkëtuan pikët e plota.
Përkundër kësaj fitore, “zonja e vjetër” gjendet larg prej kreut të tabelës pasi pozicionohet në vendin e 12-të me pesë pikë pas pesë ndeshjeve të zhvilluara.
Në gjiron e ardhshme, Juve luan në “shtëpi” ndaj Sampdorias./Shqip.com
