I shpallur non grata/ Sali Berisha humb gjyqin në Britaninë e Madhe

Lideri i opozitës shqiptare Sali Berisha, ish-presidenti dhe kryeministri i vendit, humbi të hënën apelin e tij kundër ndalimit të hyrjes në Britaninë e Madhe për lidhje të dyshuara kriminale, shkruan Reuters.

Berisha, kreu i Partisë Demokratike kryesore të opozitës në Shqipëri, u shpall non grata nga Mbretëria e Bashkuar në vitin 2022 dhe iu ndalua hyrja në territorin britanik, për lidhjet e tij të dyshuara me krimin e organizuar dhe korrupsionin, të cilin Berisha e mohon.

Ai apeloi kundër vendimit në Komisionin Special të Apelimit të Emigracionit (SIAC) në Londër në mars, duke argumentuar se ai u ndalua nga MB në bazë të pohimeve të rreme të paprovuara.

SIAC hodhi poshtë sfidën e Berishës në një vendim me shkrim këtë të hënë.

Vendimi i Britanisë për të ndaluar Berishën nga vendi erdhi një vit pasi ai u shpall non grata nga Shtetet e Bashkuara për korrupsion të dyshuar dhe abuzim me pushtetin.

Sali Berisha, 79 vjeç, përballet me akuza në Shqipëri se ka përdorur ndikimin e tij kur ishte kryeministër midis viteve 2005 dhe 2009 për të favorizuar bashkëshortin e vajzës së tij në privatizimin e tokës shtetërore, të cilat ai dhe vajza e tij e mohojnë. Aktualisht Sali Berisha ndodhet në arrest shtëpie.