Hoffmann pretendon se Sunderland e detyroi të luante me Covid 19

Portieri i Bayern Munich, Ron-Thorben Hoffmann, i cili ishte i huazuar te skuadra angleze, Sunderland ka pretenduar se u detyrua të luajë edhe pse ishte i sëmur me Covid 19.

Në një intervistë për Sky Sport ai ka folur për përvojën e tij në Angli.

Sipas, 23-vjeçarit ai luajti derisa gjendja iu përkeqësua shumë.

“Unë isha në karantinë për shtatë ditë, pastaj bëra një test privat dhe doli pozitiv, por në ditën e tetë u riktheva në stërvitje. Ndërkaq në ditën e nëntë isha duke luajtur. Kam luajtur edhe tri ndeshje të tjera pas sëmundjes, por u përkeqësova nga ndeshja në ndeshje. Kisha një nivel shumë të ulët energjie, nuk kisha forcë të ngrihesha pas ndeshjeve dhe nuk mund të zbrisja nga divani”, tha ai.

Gjermani shtoi se pasi u sëmur u kthye në Munich për disa ditë dhe humbi vendin e titullarit te Subderland.

Më pas fola vetë me përgjegjësit dhe u kërkova të më kontrollonin. Mora iniciativën me familjen time dhe me njerëzit që më rrethonin dhe thamë: Po shkoj në Mynih. Pastaj, për fat të mirë, gjithçka ishte përsëri mirë. Unë isha në Mynih për katër ditë dhe pikërisht në këtë kohë që nuk isha atje u punësua trajneri i ri dhe ai futi në portë një portier anglez, i cili gjithashtu bëri mirë. Ne hymë në play-off dhe nuk kishte asnjë shans për mua të arrij dhe të futem në portë”.

Një gjë të tillë e ka mohuar skuadra angleze, e cila përmes një njoftimi ka treguar se ka ndjekur të gjitha masat e nevojshme kundër Covid 19.

Club statement: Ron Thorben-Hoffmann#SAFC

— Sunderland AFC (@SunderlandAFC) June 10, 2022

Hoffmann bëri 24 paraqitje me fanellën e “Maceve të Zeza”, duke e mbajtur portën e paprekur tetë raste./Shqip.com