Haxhiu: Të gjithë ata që nuk kanë kryer detyrën duhet të japin dorëheqje ose të shkarkohen
Ministrja e Drejtësisë, Albulena Haxhiu pas takmit ndërministrorë ka deklaruar se rasti i vrasjes së 35-vjeçarës është shumë i rëndë.
“Kemi diskutuar për veprimet ndërinstitucionale, në bazë të informative nga Policia viktima kishte raportuar rastin në korrik por që Prokuroria e kishte lëshuar sulmuesin në procedurë të rregullt, secili prej institucioneve janë të obliguar të veprojnë lidhur me këtë rast”, ka deklaruar Haxhiu.
Më tutje Haxhiu ka thënë se rasti i djeshëm nuk duhet ta na zmbrapsë por duhet të na forcojë edhe më shumë.
“Të gjithë ata që nuk e kanë kryer detyrën duhet të japin dorëheqje ose të shkarkohen, nuk është detyrë e Ministres së Drejtësisë që të shkarkojë prokurorë apo gjyqtarë” ka thënë Haxhiu.
Gjykata Themelore në Ferizaj ka dhënë detaje lidhur me rastin e gruas shtatzënë e cila u vra të mërkurën në mbrëmje para Gjinekologjisë në Prishtinë.
Sipas njoftimit nga Gjykata është bërë e ditur se me datë 08.09.2022, nga Zyra për Mbrojtje dhe Ndihmë e Viktimave në Ferizaj, është paraqitur kërkesë për lëshimin e urdhrit mbrojtës ndaj palës përgjegjëgjëse S.H. sipas nenit 13 dhe 14 të Ligjit për Mbrojtje nga dhuna në familje.
I dyshuar për vrasjen është ish-bashkëshorti i saj, i cili ishte denoncuar edhe për dhunë në familje më herët. I njëjti ndodhet ende në arrati.
Sot në Prishtinë, pritet të organizohet protestë. Kjo protestë, organizohet nga Kolektivi për Mendim dhe Veprim Feminist dhe nis nga ora 16:00.
Protesta organizohet në “Sheshin Zahir Pajaziti”.
/Shqip.com