Grabitje e armatosur në një pompë derivatesh në Mitrovicë
Shqip
Një grabitje e armatosur raportohet se ka ndodhur të martën mbrëma në një pompë të derivateve në fshatin Kçiq të Mitrovicës.
Tre punëtorë të asaj pompe kanë raportuar në polici se një person i armatosur dhe i maskuar ka grabitur një shumë të parave.
Rastin për Shqip.com e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.
Ai ka njoftuar se deri më tani nuk raportohet për të lënduar.
“Sonte, rreth orës 18:00, nga ana e tre ankuesve, punëtor në një pompë derivatesh në fshatin Kçiq të Mitrovicës, është raportuar se një person i dyshuar e i maskuar, nën kanosje e armës ka grabitur një shumë të parave”.
“Nga informacionet e deritanishme nuk raportohet për t’ lënduar”, ka thënë Zahiti.
Lidhur me rastin janë duke u marrë njësitet përkatëse policore./SHQIP.com
