Gjuha shqipe nga Ismail Kadare

Ismail Kadare është njëri ndër shkrimtarët e poetët më të njohur shqiptar.

Shumë nga veprat e tij janë përkthyer në gjuhë të ndryshme të botës, ndërkaq për nder të Ditës Ndërkombëtare të Gjuhës Amtare, ne ju sjellim poezinë e tij kushtuar gjuhës shqipe.

Gjuha Shqipe

Kur në sulm hodhën turqit

Hordhitë e pambaruara,

Kështjellat e sintaksës

S’i muar, që s’i muar.

Kur panë se gjuhës

S’i hodhën dot prangat

Lëshuan drejt saj

Gjithfarë merimangash.

Parashtesa e pjesëza

E lidhëza së prapthi,

Të bukurën gjuhë

Ta bënin leshharpi.

Të të bënin ty, donin,

Shqipëri, memece.

Po ja, erdhi Naimi,

Si yll mbi ty ecte.

Dorën e zbehtë

Mbi ballë ta vuri

Të të hiqte zjarrllëkun

Prej të sëmuri.

Dhe vdisnin pjesëzat