Fermeri nga Gaza zbulon mozaikun e epokës bizantine
Një mozaik i zbukuruar bizantin në dysheme që tregon një shumëllojshmëri zogjsh dhe kafshë të tjera është zbuluar rastësisht në Gaza pasi një fermer palestinez u përpoq të mbillte pemë të reja në tokën e tij.
Salman al-Nabahin, duke u përpjekur të kuptojë pse disa pemë nuk kishin zënë rrënjë siç duhet, tha se ai dhe djali i tij filluan të gërmojnë. Pastaj sëpata e djalit goditi diçka të fortë dhe të panjohur në pamje.
“Kërkoja në internet… Mësuam se ishte mozaik i epokës bizantine,” tha ai.
Ministria Palestineze e Turizmit dhe Antikiteteve tha se dyshemeja përfshinte disa panele mozaiku që përshkruanin kafshë dhe tipare të tjera të jetës shoqërore gjatë epokës bizantine.
“Zbulimi arkeologjik është ende në fazat e tij të hershme dhe ne presim të dimë më shumë për sekretet dhe vlerat e qytetërimit,” tha ministria në një deklaratë.
Gaza është e pasur me antika, duke qenë një pikë e rëndësishme tregtare për qytetërimet që datojnë që nga egjiptianët e lashtë dhe filistinët e përshkruar në Bibël, deri në Perandorinë Romake dhe kryqëzatat.
