Familja dyshon te vaksina anti-COVID, policia jep detaje për vdekjen e gruas nga Malisheva
Shqip
Një grua është dërguar pa shenja jete në Qendrën Kryesore të Mjekësisë Familjare në Malishevë gjatë pasdites të së enjtes.
Policia ka dhënë detaje lidhur me vdekjen e viktimës që e ka konstatuar mjeku i QKMF-së.
“Malishevë, 07.10.2021 – 14:10. Në QKMF është sjellë pa shenja jete viktima femër kosovare. Vdekjen e viktimës e ka konstatuar mjeku i QKMF-së”, thuhet në njoftim.
Me urdhër të prokurorit trupi i pa jetë i viktimës dërgohet në Institutin e Mjekësisë Ligjore për autopsi.
Rasti është duke u hetuar.
Gjatë së enjtes, Shqip ka raportuar se familja e viktimës po dyshon se shkak i vdekjes së saj është vaksina anti-COVID.
“Sipas mjekut kujdestar nuk vërehet ndonjë element dyshimi rreth vdekjes por ne kontakt me familjaret e viktimës të njëjtit deklarojnë dhe dyshojnë se shkaktar i vdekjes mund te jetë vaksina Anti Covid-19 te cilen viktima e kishte marrë para tre dite në QKMF Malishevë”, ka thënë pë redaksinë, zëdhënësi i Policisë për rajonin e Gjakovës, Nysret Xhurkaj. /Shqip.com
