Emery dhe misioni i tij ndaj Liverpoolit
Shqip
Unai Emery ka një mision të vështirë përpara vetes: ta rikthejë rezultatin ndaj Liverpoolit.
Strageu spanjoll – i priu “nëndetëses së verdhë” në fitoret ndaj Juventusit dhe Bayern Munchen.
Është vetëm një hap larg nga finalja.
“Estadio de la Cerámica” është arena ku Villareali do e kërkojë fitoren – me fillim nga ora 21:00.
Skuadra spanjolle pësoi humbje 2-0 në “Anfield Road” në ndeshjen e parë dhe favorit në letër janë “The Reds”.
Por, spanjollët nuk kanë se çka të humbin.
Madje, Emery pas disfatës në Angli – tha se “javën tjetër do shihni një lojë komplet ndryshe. Liverpooli do të vuaj”.
Fusha e gjelbër do e tregojë të vërtetën.
Fakti që spanjollët luajnë në shtëpi është një fije shprese, pasi aty – janë mposhtur vetëm një herë në këtë sezon të Championsit – nga Manchester United.
Sa i përket formës në kampionat, Villarreali gjendet në vendin e shtatë në tabelë, me vetëm 52 pikë të grumbulluara. Pra, nuk ka siguruar dot as biletën për në Europaligë.
Në anën tjetër, Liverpooli po “lufton” në të dyja frontet.
Ekipi i drejtuar nga Jurgen Klopp – pozicionohet në vendin e dytë të Premierligës, me 82 pikë. Vetëm një më pak se Manchester City që është lider.
Takimi i sontëm do jetë një test i radhës për anglezët dhe një ndeshje “jetë a vdekje” për spanjollët.
Njëra skuadër do e lëshojë “Estadio de la Cerámica” si finaliste. /Shqip.com
